Source : Yahoo

آئی ایس آئی ہماری پہلی دفائی لائن ہے :وزیر اعظم عمران خان
12 ستمبر 2018 (21:21) 2018-09-12

راولپنڈی/اسلام آباد: وزیراعظم عمران خان نے آج آئی ایس آئی ہیڈکوارٹرز کا دورہ کیا۔اس دورے کے دوران وزیراعظم کے ہمراہ وزرا بھی موجود تھے۔وزیر اعظم ,وفاقی وزرا کو آرمی چیف اور ڈی جی آئی ایس آئی نے 8گھنٹے تک بریفنگ دی۔

تفصیلات کے مطابق جب سے وزیر اعظم عمران خان نے ملک کا نظم ونسق سنبھالا ہے،تب سے پاکستان کی سول ملٹری قوتوں میں ہم آہنگی واضح طور پر دیکھی جاسکتی ہے۔اس حوالے سے وزیر اعظم عمران خان کے جی ایچ کیو دورے کو خاصی پذیرائی ملی جس دوران آرمی چیف کی جانب سے انہیں سلیوٹ کرنے کی تصویر خاصی وائرل ہوئی تھی۔اس کے بعد وزیر اعظم عمران خان ملک کے پہلے وزیر اعظم بھی بنے جنہیں یوم دفاع کی تقریب میں بطور مہمان خصوصی مدعو کیا گیا۔

تاہم تازہ ترین خبر کے مطابق وزیر اعظم عمران خان نے آج آئی ایس آئی کے ہیڈکوارٹر کا دورہ کیا۔اس دورے کے دوران وزیراعظم کے ہمراہ وزراء بھی موجود تھے۔وفاقی وزیر اطلاعات و نشریات کے مطابق وزیراعظم کے ہمراہ وفاقی وزرانےبھی آئی ایس آئی ہیڈکوارٹرزکادورہ کیا۔آرمی چیف اورڈی جی آئی ایس آئی نے ہیڈکوارٹرزپہنچنے پراستقبال کیا۔

وزیر اعظم نے آئی ایس آئی ہیڈکوارٹرزمیں اجلاس کی صدارت کی۔وفاقی وزیر نے یہ بھی بتایا کہ وزیر اعظم ,وفاقی وزرا کو آرمی چیف اور ڈی جی آئی ایس آئی نے 8گھنٹے تک بریفنگ دی۔پاک فوج کے شعبہ تعلقات عامہ ( آئی ایس پی آر )کی جانب سے جاری کردہ بیان کے مطابق وزیراعظم نے یاد گار شہداپر پھول چڑھائے اور فاتحہ خوانی کی۔

وزیراعظم کو اسٹریٹیجک انٹیلی جنس ،نیشنل سیکیورٹی امورپرتفصیلی بریفنگ دی گئی۔اس موقع پر وزیراعظم نے قومی سلامتی سے متعلق آئی ایس آئی کے کردار کو سراہا۔اس کے علاوہ وزیراعظم نےدہشتگردی کیخلاف جاری کوشش پرآئی ایس آئی کے کردارکوسراہا۔اس موقع پر وزیر اعظم عمران خان کا کہنا تھا کہ آئی ایس آئی ہماری پہلی دفاعی لائن ہے۔ آئی ایس آئی دنیاکی بہترین انٹیلی جنس ایجنسی میں شمارہوتی ہے۔وزیر اعظم کا یہ بھی کہنا تھا کہ حکومت ،عوام مسلح افواج ،انٹیلی جنس اداروں کیساتھ مضبوطی سے کھڑے ہیں۔


ای پیپر