امریکی سفارتکار کا نام ای سی ایل میں ڈالنے کا فیصلہ محفوظ
12 اپریل 2018 (20:40) 2018-04-12

اسلام آباد: اسلام آباد ہائی کورٹ امریکی سفارت کار کرنل جوزف کا نام ای سی ایل میں ڈالنے کی درخواست قابل سماعت ہونے پر فیصلہ محفوظ کر لیا ،کیس کی سماعت اسلام آباد ہائیکورٹ کے سنگل رکنی بنچ جسٹس عامر فاروق نے کی، عتیق بیگ کے والد محمد ادریس وکیل کے ساتھ عدالت میں پیش ہوئےاورجنیوا کنونشن کے تحت کارروائی کرنے کی استدعا کر دی ۔

گزشتہ روز اسلام ہائی کورٹ کے جسٹس عامر فاروق نے امریکی سفاتکار کرنل جوزف کی گاڑی کی ٹکر سے ہلاک ہونے والے نوجوان عتیق بیگ کے والد کی درخواست پر سماعت کرتے ہوئے فیصلہ محفوط کیا جبکہ وکیل سے امریکی سفاتکار کا نام ای سی ایل میں نام ڈالنے کے حوالے سے قانونی نقطہ بھی پوچھ لیا جس کے جواب میں وکیل نے عدالت کو بتایا کہ کرنل جوزف ایک سفارتکار ہیں اور کرنل جوزف کی گاڑی کی ٹکر سے عتیق بیگ جاں بحق جبکہ اس کا کزن راحیل شدید زخمی ہوا اور جنیوا کنونشن کے تحت کارروائی کی جائے۔

وکیل درخواست گزار نے عدالت کو بتایا کہ پولیس نے پریشر سے مقدمہ درج کر دیا لیکن تحقیقات مکمل کرنے کی کوئی سنجیدہ کوشش نہیں کی جا رہی لہذاعدالت پولیس کو شفاف تحقیقات کر کے ملزم کو گرفتار کرنے کا حکم دے۔ اسلام آباد ہائی کورٹ امریکی سفارت کار کرنل جوزف کا نام ای سی ایل میں ڈالنے کی درخواست قابل سماعت ہونے پر فیصلہ محفوظ کر لیا ہے۔


ای پیپر