دورہ انگلینڈ ،نیوزی لینڈ کیلئے قومی ٹیم میں بڑی تبدیلیاں
12 اپریل 2018 (19:48) 2018-04-12

لاہور: قومی ٹیم کے دورہ انگلینڈ اور آئر لینڈ کیلئے کنڈیشنز کو مد نظر رکھتے ہوئے ایک اضافی فاسٹ بالر کو ٹیسٹ سکواڈ میں شامل کیے جانے کا امکان ہے ۔ تفصیلات کے مطابق آئر لینڈ اور انگلینڈ کے دورے کےلئے ہیڈ کوچ مکی آرتھر اور سلیکٹرز کے درمیان 16رکنی ٹیم پر اتفاق ہوگیا ہے ،لیگ سپنر یاسر شاہ کی عدم موجودگی میں بالنگ ڈیپارٹمنٹ کو مضبوط بنانے کے لیے ایک اضافی بالر کو سکواڈ میں شامل کرنے کا پلان بنایا گیا ہے ۔

محمد عامر ، حسن علی اور محمد عباس کا ٹیسٹ سکواڈ کے ساتھ انگلینڈ جانا یقینی ہے جبکہ راحت علی اور میر حمزہ کے لیے بھی ٹیسٹ ٹیم کے دروازے کھل سکتے ہیں ،ذرائع کے مطابق آل رانڈر فہیم اشرف چھٹے فاسٹ باﺅلر کی حیثیت سے ٹیسٹ سکواڈ میں شامل ہو سکتے ہیں۔نوجوان ٹیسٹ اوپنر سمیع اسلم کی غیر متاثر کن فٹنس ان کی ٹیم میں سلیکشن کی راہ میں حائل ہو سکتی ہے اور اوول میں چیمپئنزٹرافی کے فائنل میں اپنی صلاحیتوں کے جوہر دکھانے والے فخر زمان اوپننگ پوزیشن کیلئے مضبوط امیدوار بن کر سامنے آئے ہیں ،پی سی بی ذرائع کے مطابق فواد عالم کے لئے بھی کوئی اچھی خبرسامنے آنے کا امکان نہیں ہے۔


ای پیپر