ایف 16اسلام آباد میں گر کر تباہ
11 مارچ 2020 (14:24) 2020-03-11

اسلام آباد:پاکستان ایئرفورس کا ایف 16جنگی طیارہ دارالحکومت اسلام آباد میں گر کر تباہ ہو گیاہے۔

                                                                                                                               

پاک فضائیہ کے ترجمان سید احمر رضا نے بتایا کہ بدھ کے روز طیارہ یوم پاکستان کی تقریب کیلئے مشق کر رہا تھا کہ گرکر تباہ ہوگیا۔واقعہ بدھ کو مقامی وقت کے مطابق صبح 11 بجے پیش آیا جبکہ وقوعہ پر امدادی ٹیمیں روانہ کر دی گئی ہیں۔ایئر ہیڈ کوارٹر نے حادثے کی وجہ جاننے کیلئے ایک تحقیقاتی بورڈ قائم کر دیا ہے۔سکیورٹی فورسز نے جائے وقوعہ کو چاروں طرف سے گھیرے میں لے لیا ہے، واقعہ میں کسی ہلاکت یا زخمی ہونے کی اطلاعات نہیں ہیں۔

ایک عینی شاہد محمد احمد نے بتایا ہے کہ میں نے ایف16 طیارے کو اسلام آباد میں شکر پڑیاں کے قریب گرتے ہوئے دیکھاہے۔جہاز گرنے کے بعد آگ کا ایک بڑا گولہ فضا میں بلند ہوا۔


ای پیپر