فواد چوہدری کی علی محمد کو گردن سے پکڑنے کی کوشش
11 فروری 2020 (17:34) 2020-02-11

اسلام آباد: وفاقی وزیرسائنس و ٹیکنالوجی فواد چویدری کی وزیر پارلیمانی امور علی محمد خان کا گلا دبوچنے کی تصویر سوشل میڈیا پر وائرل ہو گئی ،تصویر میں دونوں کے چہروں پر مسکراہٹ کو واضح طور پر دیکھا جا سکتا ہے۔

                                                                                                                            

تفصیلات کے مطابق فواد چوہدری کی علی محمد کوگردن سے پکڑنے کی تصویرسامنے آگئی۔ تصویرمیں فواد چوہدری وزیراعظم ہاس میں علی محمد کا گلا دبانے کی کوشش کررہے ہیں۔ اس کے علاوہ فواد چوہدری نے بازوسے بھی ساتھی وزیرکودبانے کی کوشش کی تاہم فواد چوہدری علی محمد خان سے ہنستے ہوئے گلا دبوچ رہے ہیں اور اس موقع پردونوں کے چہروں پر مسکراہٹ کو واضح طور پر دیکھا جا سکتا ہے۔

یاد رہے کہ گزشتہ کئی دنوں سے دونوں وفاقی وزرا کے درمیان سوشل میڈیا پر ایک لفظی جنگ جاری تھی جس میں سرعام پھانسی کے قانون کے لے کر فواد چوہدری اور علی محمد میں سرد جنگ جاری تھی ۔ 


ای پیپر