Image Source : Youtube

اسلام آباد کے شہریوں کیلئے بڑی خوشخبری ،وفاقی حکومت کا زبردست اعلان
11 فروری 2019 (22:10) 2019-02-11

اسلام آباد :وفاقی وزارت سائنس و ٹیکنالوجی نے دارالحکومت اسلام آباد میں سائنس و ٹیکنالوجی پارک کی تعمیر کے لیے منصوبے کو حتمی شکل دے دی ہے جس کے لیے حکومت نے فنڈ بھی مختص کرلیا ہے۔

سرکاری میڈیا کے مطابق سائنس وٹیکنالوجی پارک کی تعمیر کا مقصد طلبا کو سائٹنفک ریسرچ کے لیے جدید سہولیات فراہم کرنا ہے۔وزارت کے ایک عہدیدار کا کہناہےکہ یہ پارک وفاقی دارالحکومت میں کومسٹیس یونیورسٹی اسلام آباد کے تعاون سے تعمیر ہوگا۔ ان کا کہنا تھا کہ حکومت نے اس منصوبے کے لیے 5 کروڑ روپے مختص کرلیے ہیں۔عہدیدار نے کہا کہ منصوبے کی فزبیلٹی رپورٹ ایک معروف کمپنی کی جانب سے تیار کی گئی ہے۔کومسیٹس یونیورسٹی کے سیکٹر ڈاکٹر راحیل قمر نے کہا ہے کہ سائنس و ٹیکنالوجی پارک کا مقصد طلبا میں سائنٹفک تعلیم کو فروغ دینا ہے ۔

ان کا کہنا تھا کہ پارک کی تعمیر سے سائنس و ٹیکنالوجی سے متعلق تعلیم میں مدد ملے گی اور اس کے ذریعے ملک بھر میں انٹرپینورشپ میں اضافے میں مدد ملے گی۔انہوں نے کہا کہ اس سے طلبا کو سائنس سے متعلق تازہ ترین سہولیات ایک ہی چھت تلے میسر ہوں گی۔کامیسٹس کے ریکٹر نے مزید کہا کہ منصوبے پر کام جلد شروع ہوگا کیونکہ اس کی فزبیلیٹی رپورٹ تیار کرلی گئی ہے۔

خیال رہے کہ عمران خان کی سربراہی میں پاکستان تحریک انصاف (پی ٹی آئی)کی حکومت کا ستمبر 2018 میں ایک اجلاس ہوا تھا جس میں چیئرمین ہائیر ایجوکیشن کمیشن (ایچ ای سی)ڈاکٹر طارق بنوری، وفاقی وزیرتعلیم شفقت محمود اور ڈاکٹر عطا الرحمن سمیت دیگر شخصیات نے شرکت کی تھی۔اجلاس میں سائنس و ٹیکنالوجی کی تعلیم عام کرنے کے کئی منصوبوں پر غور کیا گیا تھا اور ایک منصوبہ بھی پیش کیا گیا کہ وزیراعظم ہاوس کو ہائی ایجوکیشن کمیشن کے سپرد کر کے وہاں ایک اعلی ریسرچ سینٹر قائم کیا جائے۔


ای پیپر