Image Source : Facebook

آصف علی زرداری کیخلاف شکنجہ سخت
11 فروری 2019 (18:07) 2019-02-11

راولپنڈی: نیب راولپنڈی نے سابق صدراور پاکستان پیپلز پارٹی کے شریک چئیرمین آصف علی زرداری کے خلاف اثاثہ جات کیس میں بریت کے خلاف اپیل ری اوپن کرادی ہے۔

میڈیا رپورٹس کے مطابق آصف علی زرداری کے خلاف شکنجہ سخت ہوگیاہے، نیب راولپنڈی نے سابق صدر کے خلاف اثاثہ جات کیس میں بریت کے خلاف اپیل ری اوپن کرادی ہے۔ نیب نے اپنی اپیل میں موقف اختیار کیا ہے کہ آصف زرداری کے خلاف ریفرنس مضبوط ہے اور اس میں مزید شواہد بھی مل چکے لہذا بریت ختم کرکے ملزم کو کڑی سزا اور نااہل قرار دیا جائے۔

دوسری جانب جسٹس قاسم خان نے نیب کی درخواست منظور کرتے ہوئے اپیل 6 مارچ کو سماعت کے لئے مقرر کردی جب کہ ہائی کورٹ نے احتساب عدالت کو نوٹس کرتے ہوئے ریکارڈ بھی طلب کر لیا۔واضح رہے کہ راولپنڈی کی احتساب عدالت نے سابق صدر آصف علی زرداری کو غیر قانونی اثاثہ جات ریفرنس کیس میں بری کردیا تھا۔


ای پیپر