تصویر فیس بک

فیملی کورٹ نے طارق ٹیڈی کو گرفتار کرنے کا حکم دیدیا
10 مئی 2019 (11:02) 2019-05-10

لاہور: سٹیج کے معروف اداکار طارق ٹیڈی کو عدالت نے گرفتار کرکے پیش کرنے کا حکم جاری کر دیا ہے۔

تفصیلات کے مطابق کامیڈین اور سٹیج اداکار طارق ٹیڈی کی سابق اہلیہ نے عدالت میں دراخواست دائر کر رکھی ہے جس میں استدعا کی گئی ہے کہ شوہر عدالتی حکم کے باوجود بچوں کا خرچ ادا نہیں کر رہا ہے۔

فیملی کورٹ میں کیس کی سماعت جج مائرہ حسن نے کی، طارق ٹیڈی کی سابق اہلیہ نے درخواست میں موقف اختیار کیا کہ میرا سابق شوہر عدالت کے حکم کے باوجود بچوں کا خرچ ادا نہیں کر رہا ہے اور اکیلی بچوں کا خرچ برداشت نہیں کر سکتی اس لیے عدالت طارق ٹیڈی کو بچوں کا خرچ ادا کرنے کا حکم جاری کرے۔

فیملی کورٹ نے طارق ٹیڈی کو گرفتار کرتے ہوئے 13 جون کو پیش کرنے کا حکم جاری کر دیا ہے جبکہ وارنٹ بھی جاری کر دیئے گئے ہیں۔


ای پیپر