Photo Credit Yahoo

چوہدری نثار سے متعلق شہبازشریف نے خاموشی توڑ دی
10 مئی 2018 (22:22)

لاہور: پاکستان مسلم لیگ ن کے صدر شہباز شریف نے صاف صاف کہہ دیا کہ چوہدری نثار پارٹی کا حصہ ہیں اور ن لیگ کے پلیٹ فارم سے ہی انتخاب لڑیں گے۔

جہلم جاتے ہوئے طیارے میں نیو نیوز سے خصوصی گفتگو کرتے ہوئے شہباز شریف نے کہا کہ سابق وزیر داخلہ کے نواز شریف سے اختلافات کوئی بڑا مسئلہ نہیں ہے، چوہدری نثار ن لیگ کا حصہ ہیں الیکشن میں انہیں ٹکٹ دیں گے۔

شہباز شریف نیب پر بھی خوب گرجے برسے، بولے نیب کے مضحکہ خیز الزام پر پڑوسی ملک میں بھی پاکستان کا مذاق بنایا گیا، نیب نے بے بنیاد الزامات لگا کر بڑی غلطی کی، ایسے اداروں کی ساکھ تباہ ہو جاتی ہے۔


شہباز شریف کا مزید کہنا تھا کہ پنجاب میں صحت عامہ کے حوالے سے انقلاب لائے ہیں۔


ای پیپر