سنی پر بنی ’کرن جیت‘نامی بائیو گرافی ویب سیریز جلد ریلیز ہو گی
10 مارچ 2018 (20:33)

ممبئی:بھارت میں انٹرنیٹ پر سب سے زیادہ تلاش کی جانے والی شخصیت و بولی وڈ کی اب تک کی بولڈ ترین اداکارہ سنی لیونی کی زندگی پر ویب سیریز فلم جلد ہی ریلیز کردی جائے گی ۔میڈیا رپورٹ کے مطابق 36 سالہ کینیڈین نژاد بولی وڈ اداکارہ سنی لیونی کی زندگی پرکرن جیتنامی بائیوگرافی ویب سیریز فلم جلد ہی بھارت سمیت دنیا بھر میں ریلیز کردی جائے گی ۔اداکارہ کی زندگی پر بننے والی بائیو گرافی فلم پر ’زی میڈیا نیٹ ورک‘ کا ’زی 5‘ کام کر رہا ہے، جسے اسی چینل کی ویب اسٹریمنگ پر جاری کیا جائے گا۔خیال رہے کہ ’زی 5‘ اسی نیٹ ورک کا نیا انٹرٹینمنٹ چینل ہے۔

’زی 5‘ کے ٹوئٹر ہینڈل سے بتایا گیا کہ جلد ہی صارفین ویب اسٹریمنگ پرکرن جیتنامی بائیوگرافی فلم دیکھ سکیں گے جس میں ناظرین اداکارہ کے ’ کرن جیت سے سنی لیونی‘ کا سفر دیکھ سکیں گے۔ سنی لیونی نے بھی ٹوئٹ کرکے بتایا کہ جلد ہی ان کی زندگی پر بننے والی فلم ’زی 5‘ پر نشر کی جائےگی۔ساتھ ہی اداکارہ نے عام لوگوں کے ذہنوں میں ان سے متعلق آنے والے چند سوالات بھی لکھے۔اداکارہ نے سوال لکھا کہ وہ کینیڈا سے کیوں منتقل ہوئیں؟کیوں انہوں نے اپنا نام سنی منتخب کیا؟میرے ساتھ زندگی میں اور کیا ہوا؟اداکارہ نے لکھا کہ یہ اور ایسے ہی خواتین سے متعلق کئی سوالات کے جوابات جلد ہی ’ کرن جیت ‘ میں دئیے جائیں گے۔میڈیا رپورٹ کے مطابق ابھی یہ واضح نہیں ہے کہ سنی لیونی کی زندگی پر بننے والی اس بائیوگرافی فلم میں ان کا کردار کس نے نبھایا۔’زی 5‘ اور سنی لیونی کی جانب سے ’ کرن جیت ‘ کو ریلیز کرنے کی تاریخ کا اعلان نہیں کیا گیا تاہم خیال کیا جا رہا ہے کہ اس ویب سیریز کو رواں برس وسط تک ریلیز کردیا جائے گا۔


ای پیپر