پیپلزپارٹی اور ن لیگ سے متعلق اسد عمرکا بڑا دعویٰ
09 ستمبر 2020 (18:59) 2020-09-09

اسلا م آباد : وفاقی وزیر برائے منصوبہ بندی اسد عمر کا کہنا ہےکہ اگر کراچی سے متعلق  صرف سیاست کی توپیپلز پارٹی، پی ٹی آئی دونوں کو عوام سے جوتے پڑیں گے۔

اسلام آباد میں میڈیا سے گفتگو کرتے ہوئے اسد عمر نے کہا کہ کراچی کے معاملے پر فضول بحث شروع ہو چکی ہے لیکن یہ بات کوئی نہیں پوچھ رہا کہ کراچی میں کام کب شروع کررہے ہیں،انہوں نے کہا کہ مان لیتے ہیں سندھ حکومت کے 750 ارب ہیں لیکن کام کب شروع کر رہے بیں، کراچی انتظار کر رہا ہے،  اگر بات صرف سیاست اور پریس کانفرنسز تک رہی توپیپلز پارٹی، پی ٹی آئی دونوں کوکراچی کےعوام سے جوتے پڑیں گے۔

وفاقی وزیرکا کہنا تھا کہ عوام کو صرف باتیں کرکے ٹرک کی بتی کے پیچھے نہ لگایا جائے، ہم نے وزیر اعلیٰ سندھ کو خط لکھا ہے کہ کےفورکو وفاق کے حوالے کریں۔


ای پیپر