کیا چوہدری برادران کوئی بڑا دھماکہ کرنے والے ہیں،شیخ رشید کی بڑی خبر
09 May 2020 (16:45) 2020-05-09

لاہور: وفاقی وزیر ریلوے شیخ رشید نے کہا ہے کہ شہباز شریف کا لندن جانا مشکل ہے، ٹارزن کی واپسی کو کوئی نہیں روک سکتا، نیب سرکاری اور غیر سرکاری دونوں کیس دیکھے گا، چودھری برادران ہمارے اپنے ہیں، نہیں لگتا کچھ ہوگا، امید ہے عید سے پہلے دو تین ٹرینیں کھل جائیں گی۔

ہفتہ کو پریس کانفرنس کرتے ہوئے شیخ رشید نے کہا شہباز شریف اپنے کاغذ لندن بھول آئے ہیں، نیب نے جتنے سوال کیے شہباز شریف نے کہا کاغذ لندن میں ہیں، بڑے پیمانے پر نیب کو ٹارزن بنتے دیکھ رہا ہوں، حکومت اور اپوزیشن دونوں طرف سے لوگوں کو نیب کی زد میں آتے دیکھ رہا ہوں، جس دن شوگر ملز کی فرانزک رپورٹ آئے گی، عمران خان ایکشن لیں گے۔

شیخ رشید کا کہنا تھا مقبوضہ کشمیر میں صورتحال مزید خراب ہو رہی ہے، کشمیر کے حالات پاکستان بھارت میں چھوٹے تصادم کا باعث بن سکتے ہیں۔ انہوں نے کہا رواں ماہ 5 ارب روپے کا نقصان ہوا ہے، 30دسمبر تک تمام ریلوے کالونیز میں بجلی کے میٹر لگ جائیں گے، 10 مئی سے ٹرینیں چلانے پر وفاق نے ساتھ دیا، امید ہے عید سے پہلے ٹرینیں چلانے میں کامیاب ہو جائیں گے۔


ای پیپر