فوٹو بشکریہ فیس بک

وزیراطلاعات پنجاب فیاض الحسن چوہان کیخلاف اپوزیشن کا اعلان جنگ
09 جنوری 2019 (09:52) 2019-01-09

لاہور: وزیر اطلاعات پنجاب فیاض الحسن چوہان کی صحافی سے بدتمیزی پر اپوزیشن صحافیوں کیساتھ کھڑی ہو گئی۔

پاکستان پیپلزپارٹی کے رہنما حسن مرتضیٰ نے پروگرام "بولتا لاہور "میں کہا کہ وہ اس معاملے سے متعلق پنجاب اسمبلی میں آواز اٹھائیں گے اور صوبائی وزیر کے غیر اخلاقی بیانات کیخلاف قرارداد لائیں گے اور واک آؤٹ بھی کریں گے۔

دوسری جانب ن لیگی رہنما حمید گل نے بھی پیپلز پارٹی کا بھرپور ساتھ دینے کی یقین دہانی کرادی۔

واضح رہے کہ گزشتہ روز صحافی نے وزیر اطلاعات سے سوال کیا کہ سراج الحق کے مطابق موجودہ حکومت ریاست مدینہ کی طرز پر نہیں چل رہی جس پر رکن صوبائی اسمبلی آپے سے باہر ہوگئے اور صحافی کو کھری کھری سنا دی۔

بعد ازاں فیاض الحسن چوہان کی بدسلوکی کیخلاف صحافیوں نے احتجاج بھی کیا۔


ای پیپر