چین میں کرونا وائرس نے تباہی مچا دی
09 فروری 2020 (00:03) 2020-02-09

بیجنگ/ووہان: چین میں نوول کرونا وائرس کے باعث مزید 86افراد ہلاک اور3399نئے کیسز کی تصدیق ہوئی ہے جس کے بعد مجموعی ہلاکتیں 722جبکہ متاثرہ افراد کی تعداد34ہزار546ہوگئی جن میں سے 6101افراد کی حالت تشویشناک ہے،بیجنگ میں بھی وائرس سے متاثرہ ایک شہری دم توڑ گیا۔

                                                                                                              

تفصیلات کے مطابق صوبائی سطح کے 31 علاقوں اور سنکیانگ پروڈکشن اور کنسٹرکشن کارپس میں جمعہ کو نوول کورونا وائرس کے مزید3399 مصدقہ کسیز کی اطلاعات ملی ہیں جبکہ 86 افراد ہلاک ہوگئے ہیں۔صوبہ ہوبے میں 81،ہیلونگ جیانگ میں 2 جبکہ بیجنگ، ہینان اور گانسو میں ایک ایک مریض ہلاک ہوا ہے ۔جمعہ کے روز مزید 4214مشتبہ مریض رپورٹ ہوئے۔جمعہ کے روز 1280 مریض شدید بیمار ہوگئے جبکہ 510 مریضوں کو صحت یاب ہونے پر ہسپتال سے فارغ کر دیا گیا۔

چین کی سرزمین پرمجموعی تصدیق شدہ مریضوں کی تعداد 34546تک پہنچ گئی ہے جبکہ کل 722 افراد مرض کی وجہ سے ہلاک ہوچکے ہیں۔6101 مریضوں کی حالت تشویشناک ہے اور 27657 افراد میں وائرس کی وجہ سے انفیکشن کا شبہ ہے۔کل 2050افراد کو صحت یاب ہونے پر ہسپتال سے فارغ کردیاگیاہے۔ 345498افراد کو بیماری کے قریب پایا گیا جن میں سے 26702 کوجمعہ کے روز طبی نگرانی سے فارغ کر دیا گیا جبکہ دیگر189660 کوابھی تک طبی نگرانی میں رکھا گیا ہے۔


ای پیپر