چوہدری نثار کی تحریک انصاف میں شمولیت بارے پارٹی کا مو قف سامنے آگیا
09 اپریل 2018 (15:44)

اسلام آباد: پاکستان تحریک انصاف کے ترجمان نے پارٹی میں سابق وزیر داخلہ چوہدری نثار کی شمولیت کی تردید کردی۔گزشتہ دنوں ڈاکٹر رمیش کمار کی تحریک انصاف میں شمولیت کے بعد یہ افواہیں بھی گردش کرنے لگیں کہ چوہدری نثار بہت جلد تحریک انصاف میں شامل ہو جائیں گے یہاں تک ڈاکٹر رمیش کمار نے تحریک انصاف کی قیادت کیساتھ پریس کانفرنس کرتے ہوئے چوہدری نثار کا بھی تذکرہ کیا ۔لیکن گزشتہ چند روز سے چہ مگوئیاں ہو رہی تھیں کہ چوہدری نثار شامل ہو رہے ہیں لیکن ترجمان تحریک انصاف کی طرف سے جاری بیان میں کہا گیا کہ مسلم لیگ کے رہنما چوہدری نثار سے تحریک انصاف کی قیادت کی ملاقاتوں کے حوالے سے اطلاعات میں کوئی صداقت نہیں، چوہدری نثار سے ملاقات ہوئی نہ ان کی رہائش گاہ جانے کا ارادہ ہے، اس حوالے سے زیر گردش اطلاعات محض قیاس آرائیوں پر مبنی ہیں۔

بیان میں کہا گیا کہ چیئرمین تحریک انصاف عمران خان سارا دن راولپنڈی میں رکنیت سازی کیمپوں کے دورے میں مصروف رہے، راولپنڈی کا دورہ مکمل کرنے کے بعد چیئرمین اپنی رہائشگاہ چلے گئے، وائس چیئرمین شاہ محمود قریشی بھی ملتان میں موجود ہیں، ان سے بھی چوہدری نثار کی کوئی ملاقات نہیں ہوئی۔ ترجمان تحریک انصاف نے کہا کہ پی ٹی آئی رہنما جہانگیر ترین نے بھی چیئرمین تحریک انصاف کے ہمراہ راولپنڈی میں مصروف دن گزارا، غیر مصدقہ اور ناقص معلومات پر مبنی اطلاعات کے فروغ سے کیا جانا چاہئیے۔


ای پیپر