File Photo

پی ایس ایل کا شاندار انعقاد،آرمی چیف کا چیئرمین پی سی بی نجم سیٹھی کو تعریفی خط
08 مئی 2018 (16:25)

لاہور:آرمی چیف جنرل قمر جاوید باجوہ نے چیئرمین پاکستان کرکٹ بورڈ نجم سیٹھی کو خط لکھ کر پاکستان سپر لیگ کے کامیاب انعقاد پر ان کی تعریف کی۔ پی سی بی کے مطابق منگل کو چیف آف آرمی اسٹاف جنرل قمرجاوید باجوہ نے پی سی بی چیئرمین نجم سیٹھی کوتعریفی خط لکھا ہے۔خط میں آرمی چیف نے پی ایس ایل کے میچز اورویسٹ انڈیزکیخلاف ہوم سیریزکامیابی سے منعقد کرانے پرنجم سیٹھی کو مبارکباد دی ہے۔

اپنے خط میں آرمی چیف کا کہناتھا کہ ان میچزکا پاکستان میں انعقاد سنگ میل کی حیثیت رکھتا ہے جس سے نہ صرف پاکستان کرکٹ کوفائدہ پہنچے گا بلکہ دنیا میں پاکستان کا مثبت امیج جائے گا اورسیکیورٹی خدشات بھی دورہوں گے۔ پی سی بی نے انٹرنیشنل میچزکیلئے سیکیورٹی انتظامات کے حوالے سے پاک فوج کے کردار کی تعریف کی تھی،جس پرآرمی چیف نے نجم سیٹھی کا شکریہ ادا کیا۔ان کا کہنا تھا کہ پاک فوج ملک کا مثبت امیج دنیا کے سامنے لانے کیلئے پی سی بی کےساتھ بھرپورتعاون کرتی رہے گی۔


ای پیپر