ویسٹ انڈیز کا دورہ پاکستان ,شیڈول سامنے آگیا
08 مارچ 2018 (18:42) 2018-03-08

لاہور : ویسٹ انڈیز کے دورہ شیڈول کے حوالے سے میڈیا پر مختلف خبریں آتی رہیں لیکن ا ب اس بات کی تصدیق چیئرمین پی سی بی نے خود کر دی کہ ویسٹ انڈیز کی ٹیم پاکستان کا دورہ کرنے کیلئے اپریل میں آئے گی ۔تفصیلات کے مطابق مہمان ٹیم 3ٹی ٹوئنٹی میچ کھیلے گی.

پی سی بی کی جانب سے جاری کردہ نئے شیڈول کے مطابق ویسٹ انڈین ٹیم پاکستان میں یکم، 2 اور 4 اپریل کو تین ٹی ٹوئنٹی میچز کھیلے گی۔یاد رہے چئیر مین پی سی بی نجم سیٹھی نے کچھ دن پہلے نیشنل اسٹیڈیم کراچی میں صحافیوں سے گفتگو میں عندیہ دیا تھا کہ ویسٹ انڈیز کے دورہ پاکستان میں ایک ٹی 20کراچی میں بھی کھیلا جا سکتا ہے لیکن اب اس حوالے سے طے ہو گیا کہ کراچی ویسٹ انڈیز کے دورے کے دوران کسی میچ کی میزبانی نہیں کرے گا اور تمام میچز لاہور کے قذافی اسٹیڈیم میں ہی منعقد ہوں گے۔

مارچ 2009 میں سری لنکن ٹیم پر دہشت گروں کے حملے کے بعد ویسٹ انڈیز وہ دوسری ٹیسٹ ٹیم ہے جو بین الاقوامی میچوں کی سیریزکے لئے پاکستان کا دورہ کرے گی۔ ویسٹ انڈیز سے قبل ستمبر 2015 میں زمبابوے کی کرکٹ ٹیم ون ڈے اور ٹی 20سیریز کھیلنے پاکستان آچکی ہے۔2017 میں تین ٹی20میچوں کے لئے ورلڈ الیون نےبھی پاکستان کا دورہ کیا تھا جبکہ سری لنکا کی ٹیم ایک ٹی 20کھیلنے لاہور آئی تھی۔


ای پیپر