ہندوئوں کیخلاف فلیکس پر میاں اکرم عثمان عہدے سے معطل
08 فروری 2020 (17:08) 2020-02-08

لاہور: کشمیر ڈے پر متنازعہ فلیکس بورڈز لگانے پر تحریک انصاف نے جنوبی لاہور کے جنرل سیکرٹری میاں اکرم عثمان کو عہدے سے معطل کر دیا۔شو کاز نوٹس جاری کر کے معاملہ خصوصی کمیٹی کے سپرد کر دیا گیا۔ 

تفصیلات کے مطابق نوٹس تحریک انصاف جنوبی لاہور کے صدر ظہیر عباس کھوکھر کی جانب سے جاری کیا گیا جس میں کہا گیا کہ آپ کے تحریر کردہ الفاظ پارٹی پالیسی کے منافی ہے۔ کیس پارٹی کی ایس سی اے ڈی کمیٹی کے چیف سلمان آفتاب کو بھیج دیا گیا۔خیال رہے اکرم عثمان کے متنازعہ فلیکس بورڈز سوشل میڈیا پر تنقید کی زد رہے۔

میاں اکرم عثمان نے اعتراف کیا کہ پرنٹنگ کی غلطی کی وجہ سے لفظ مودی کی بجائے ہندو لکھا گیا، اکرم عثمان نے سوشل میڈیا پر اپنے اس عمل پر معذرت بھی کی تھی۔


ای پیپر