رمضان المبارک کے دوران سرکاری دفاتر کے اوقات کار جاری
سورس:   فوٹو: بشکریہ ٹوئٹر
08 اپریل 2021 (17:05) 2021-04-08

اسلام آباد: وفاقی حکومت نے رمضان المبارک کے دوران سرکاری دفاتر کے اوقات کار جاری کر دئیے ہیں جس کے مطابق ماہ مبارک کے دوران جمعہ کے روز تمام دفاتر صبح 10 سے دوپہر ایک بجے تک کھلیں گے۔ 

تفصیلات کے مطابق اسٹیبلشمنٹ ڈویژن کی جانب سے جاری ہونے والے آفس میمورنڈم کے مطابق ہفتے میں 5 اور 6 روز کھلنے والے دفاتر کے الگ الگ اوقات کار جاری کئے گئے ہیں۔ 

ہفتہ اور اتوار دو روز تعطیل کرنے والے دفاتر صبح 10 سے شام 4 بجے تک کھلیں گے جبکہ ہفتے میں صرف اتوار کو تعطیل کرنے والے دفاتر صبح 10 سے سہ پہر 3 بجے تک کھلیں گے تاہم جمعہ کے روز تمام دفاتر صبح 10 سے دوپہر ایک بجے تک کھلے رہیں گے۔

(بشکریہ: نیو نیوز)


ای پیپر