سورج نے بھی آنکھیں دکھانا شروع کر دی ہیں
07 May 2021 (08:44) 2021-05-07

لاہور : پنجاب میں گرمی کی شدت میں اضافہ ہوگیا ۔ 

محکمہ موسمیات کے مطابق لاہور سمیت پنجاب کے موسم میں گرمی کی حدت بڑھنے لگی ہے ،اور روز برو ز گرمی کی شدت میں اضافہ ہوتا جارہاہے ۔ 

لاہور میں صبح کے اوقات میں درجہ حرارت 27 سینٹی گریڈ ریکارڈ کیا گیا ہے ۔ اسلام آباد میں بھی گرمی بڑھنا شروع ہوگئی ہے اور صبح کے وقت درجہ حرارت میں نمایاں اضافہ دیکھنے میں آرہا ہے ، 

اسلام آباد میں صبح کے اوقات میں درجہ حرارت  23 سینٹی گریڈ سے 27 سینٹی گریڈ تک ریکارڈ کیا گیا ہے ۔ محکمہ موسمیا ت کے مطابق آنے والے دنوں میں درجہ میں حرارت میں نمایاں اضافہ دیکھنے میں آئے اور گرمی کی شدت بڑھ جائیگی ۔ 

طبی ماہرین نے شہریوں سے کہا ہے کہ وہ ٹھنڈ ے مشروبات کا استعمال کریں اور دوپہر کے وقت تیز دھوپ سے بچیں ۔ 


ای پیپر