بھارتی فوج نے مقبوضہ کشمیر میں درندگی کی تمام حدیں پار کرلیں : شہباز شریف
07 مئی 2018 (15:46)

لاہور :وزیراعلی پنجاب شہبازشریف نے کہا ہے کہ بھارتی فوج نے مقبوضہ کشمیرمیں سفاکیت اوردرندگی کی تمام حدیں پار کرلی ہیں اوربھارت کوظلم اورستم ڈھانے کا کھیل بند کرنا ہوگا،کشمیریوں کو حق خود ارادیت کے بنیادی حق سے محروم نہیں رکھا جا سکتا ،ن لیگ کشمیریوں کے ساتھ کھڑی ہے ۔


وزیراعلیٰ پنجاب شہبازشریف نے بھارتی فوج کی فائرنگ سے پروفیسرسمیت طلبا اوردیگر کشمیری نوجوانوں کی شہادت پردکھ اورافسوس کا اظہارکرتے ہوئے شہدا کی عظیم قربانیوں کوخراج عقیدت پیش کیا اورزخمیوں کی جلد صحت یابی کیلئے دعاکی ۔شہبازشریف نے کہا کہ بھارتی ریاستی دہشت گردی سے اساتذہ اورطلبا بھی محفوظ نہیں، بھارتی فوج نے مقبوضہ کشمیرمیں سفاکیت اوردرندگی کی تمام حدیں پارکرلی ہیں اوربھارت کو ظلم اورستم ڈھانے کا یہ کھیل بند کرنا ہوگا۔


شہبازشریف نے کہا کہ کشمیری عوام کو جبر اوراستبداد کے ذریعے حق خود ارادیت کے بنیادی حق سے زیادہ دیر محروم نہیں رکھا جاسکتا، کشمیری عوام اپنے قیمتی لہوسے آزادی کی نئی تاریخ رقم کررہے ہیں، عالمی برادری کے سوئے ہوئے ضمیر کو بھی جاگنا پڑے گا جب کہ بھارت جان لے کہ تاریخ میں کہیں بھی ریاستی دہشت گردی کے ذریعے آزادی کی تحریکوں کونہیں دبایا جاسکا ہے۔


ای پیپر