ووٹ کا وقت آتا ہے تو عمران خان بھاگ جاتے ہیں: مریم اورنگزیب
07 مارچ 2018 (14:57)


اسلام آباد: وزیر مملکت برائے اطلاعات و نشریات مریم اورنگزیب نے کہا ہے کہ جمہوریت کو ووٹ دینے کا وقت آئے تو عمران خان پارلیمنٹ سے بھاگ جاتے ہیں ۔


میڈیا سے بات کرتے ہوئے مریم اورنگزیب کا کہنا تھا کہ عمران خان کالی عینک لگا کر جمہوریت پر لیکچر دیتے ہیں لیکن جب ووٹ دینے کا وقت آئے تو پارلیمنٹ سے بھاگ جاتے ہیں ۔ان کا کہنا تھا کہ پنجاب میں تحریک انصاف کی 30 سیٹیں تھیں لیکن انہوں نے 44 ووٹ لیے حالانکہ ہارس ٹریڈنگ کا الزام ہم پر لگایا جب کہ تحریک انصاف ہارس ٹریڈنگ کرتی ہے ۔مجھ پر ہارس ٹریڈنگ کا الزام نہیں ہے ، یہ الزام ان لوگوں پر ہے جنہوں نے ہارس ٹریڈنگ کی، میں نے کسی پر الزام نہیں لگایا بلکہ حقیقت بیان کی ہے ۔


وزیر مملکت برائے اطلاعات کا کہنا تھا کہ جن جماعتوں کی 6 سیٹیں تھیں وہ 26 ووٹ لیتی ہیں اور جس جماعت کی 30سیٹیں تھیں وہ 44 ووٹ لیتی ہیں ، میں نے حقیقت بیان کی اور اسی حقیقت پر سوال اٹھ رہے ہیں ۔ مریم اورنگزیب نے مطالبہ کیا کہ جن جماعتوں نے سینیٹ انتخابات میں ہارس ٹریڈنگ کی ان کے خلاف ایکشن ہونا چاہیے اور ہارس ٹریڈنگ کی روایت ختم ہونی چاہیے


ای پیپر