file photo

اوگرا نے جون کیلئے ایل این جی کی قیمت میں کمی کر دی، نوٹیفکیشن جاری
07 جون 2020 (17:51) 2020-06-07

اسلام آباد :آئل اینڈ گیس ریگولیٹری اتھارٹی ( اوگرا ) نے رواں ماہ جون کےلئے ایل این جی کی قیمت میں 1.48 ڈالر فی یونٹ کمی کر دی۔

ایل این جی کی نئی قیمت سے متعلق اوگر کی جانب سے نوٹیفکیشن جاری کر دیا گیا ہے جس کے مطابق جون کے لیے ایل این جی کی قیمت میں 1.48 ڈالر فی یونٹ کمی کی گئی ہے۔

نوٹیفکیشن کے مطابق سوئی ناردرن سسٹم پر ایل این جی کی قیمت میں 1.38 ڈالر فی ایم ایم بی ٹی یو کی کمی کی گئی ہے جس کے بعد نئی قیمت 6.13 ڈالر فی ایم ایم بی ٹی یو ہو گئی ہے.

اس کے علاوہ سوئی سدرن سسٹم پر ایل این جی کی قیمت میں 1.48 ڈالر فی ایم ایم بی ٹی یو کم کر کے نئی قیمت 6.27 ڈالر فی ایم ایم بی ٹی یو مقرر کردی گئی ہے۔


ای پیپر