گل بخاری تک کونسل رسائی کی کوشش کی جا رہی ہے : برطانوی ہائی کمیشن
07 جون 2018 (20:21)

لندن :پاکستان برطانوی ہائی کمیشن نے صحافی اور سماجی کارکن گل بخاری کے اغوا پر تشویش کا اظہار کرتے ہوئے کہا ہے کہ ان تک قونصلر رسائی کی کوشش کی جارہی ہے ۔


تفصیلات کے مطابق برطانیہ اور پاکستان کی دوہری شہریت رکھنے والی صحافی گل بخاری کو گزشتہ روز نامعلوم افراد نے اغوا کرلیا تھا۔پولیس نے واقعے کی تصدیق کرتے ہوئے کہا تھا کہ سماجی کارکن گل بخاری کو 5 جون کو اغوا کیا گیا تھا تاہم ان کے اہلِ خانہ نے تصدیق کی کہ سماجی کارکن گزشتہ رات بحفاظت واپس گھر پہنچ گئیں۔


برٹش ہائی کمیشن نے ایک ٹویٹ میں کہا کہ گل بخاری کے گزشتہ روز اغوا پر ہمیں تشویش ہے ۔انہوں نے کہاکہ گل بخاری پاکستان اور برطانیہ کی دوہری شہریت رکھتی ہیں اور برٹش کمیشن قونصلر رسائی کے ذریعے ان تک پہنچ رہا ہے ۔دوسری جانب برطانیہ کی پارلیمنٹ کے رکن اور برطانوی دفتر خارجہ میں وزیرمملکت برائے ایشیا مارک فیلڈ نے 52 سالہ گل بخاری کی بحفاظت واپسی پر اطمینان کا اظہار کیا اور برطانوی حکومت کے اظہار آزادی کے عزم کو دہرایا۔


ای پیپر