تحریک انصاف میں عمران خان کی جگہ کون لے گا ؟شاہد خاقان عباسی کا اہم انکشاف
07 جولائی 2020 (23:45) 2020-07-07

اسلام آباد : مسلم لیگ ن کے رہنما شاہد خاقان عباسی کا کہنا ہے کہ مائنس ون فارمولا میری نظر میں ناممکن ہے کیونکہ میں نہیں سمجھتا کہ تحریک انصاف میں کوئی شخص عمران خان کی جگہ لے سکتا ہے۔

شاہد خاقان عباسی نے پی ٹی آئی حکومت پر تنقید کرتے ہوئے کہا کہ حکومت ناکام ہوچکی ہے اور کوئی مستقبل نظر نہیں آتا۔میں تو چاہتا ہوں کہ حکومت پانچ سال مکمل کرے۔ انہوں نے کہا کہ اس حکومت کا ہر لمحہ ملک پر بھاری ہے۔عدم اعتماد تحریک واحد راستہ ہے کیونکہ مائنس ون فارمولا میری نظر میں ناممکن ہے۔میں نہیں سمجھتا کہ تحریک انصاف میں کوئی شخص عمران خان کی جگہ لے سکتا ہے۔

انہوں نے کہا کہ عمران خان کو مشورہ دوں گا کہ گورننس کی بہتری کے لیے اپنا منہ بند رکھیں، وزیراعظم کو سوچ سمجھ کر بات کرنی چاہیے۔شاہد خاقان عباسی نے کہا کہ عمران خان منہ بند رکھیں تو حالات 50 فیصد بہتر ہو سکتے ہیں۔ ما شاہد خاقان عباسی کا کہنا ہے کہ کورونا کی وجہ سے بے پناہ کمزوری ہوئی اور ابھی بھی کمزوری ہے۔

انہوں نے کہا کہ مجھے کورونا ہوا تو کم درجے کا بخار رہا۔ کورونا سے بھی کمزوری ہوئی ہے کہ آدھا کلو میٹر واک بھی نہیں کر سکتا۔شاہد خاقان عباسی نے بتایا کہ کورونا سے قبل 10 سے 12 کلو میٹر تک واک کرتا تھا۔


ای پیپر