حادثے میں زخمی افغان کرکٹ ٹیم کے کھلاڑی نجیب ترکئی انتقال کرگئے
06 اکتوبر 2020 (11:48) 2020-10-06

  کابل: افغان قومی کرکٹ ٹیم کے کھلاڑی نجیب ترکئی کا کچھ دن قبل ایکسیڈنٹ ہوا تھا۔ مرحوم کے سر پر شدید چوٹیں آئی تھیں اور وہ کوما میں تھے۔ تاہم وہ آج زخموں کی تاب نہ لاتے ہوئے خالق حقیقی سے جا ملے۔ ان کی عمر محض 29 برس تھی۔ مداحوں کی جانب سے افغانستان کرکٹ بورڈ سے مطالبہ کیا گیا تھا کہ نجیب ترکئی کو علاج کے لیے کابل یا بیرون ملک منتقل کیا جائے۔   نجیب ترکئی نے اپنے کیریئر کا آغاز 2014 میں زمبابوے کیخلاف کیا تھا۔ انہوں نے افغانستان کی جانب سے ایک ٹی ٹونٹی اور بارہ ایک روزہ بین الاقوامی میچوں میں نمائندگی کی تھی۔ ٹی ٹونٹی میں ان کا بہترین سکور نورے رنز رہا جو انہوں نے 2017 میں آئرلینڈ کیخلاف بنایا تھا۔ مرحوم نے اپنے کیرئیر میں چھ سنچریاں بنائیں اور ان کی اوسط 47.20 رہی۔   ACB and Afghanistan Cricket Loving Nation mourns the heart breaking & grievous loss of its aggressive opening batsman & a very fine human being Najeeb Tarakai (29) who lost his life to tragic traffic accident leaving us all shocked! May Allah Shower His Mercy on him pic.twitter.com/Ne1EWtymnO — Afghanistan Cricket Board (@ACBofficials) October 6, 2020 افغان کرکٹ بورڈ کے سابق میڈیا منیجر محمد ابراہیم مہمند نے سماجی رابطے کی ویب سائٹ ٹویٹر پر جاری ایک بیان میں بتایا تھا کہ نجیب ترکئی کے سر پر شدید چوٹیں آئی ہیں اور وہ کوما میں ہیں۔ ان کو حادثہ افغانستان کے شہر جلال آباد میں پیش آیا تھا۔ نجیب ترکئی سڑک عبور کرتے ہوئے گاڑی کی زد میں آگئے تھے۔ افغانستان کرکٹ بورڈ نے خبر کی تصدیق کی اور کھلاڑی کی موت پر غم کا اظہار کیا ہے۔  


ای پیپر