فائل فوٹو

وزیراعظم عمران خان کیلئے طیارے سے متعلق خبریں درست نہیں: حکومتی ترجمان
06 اکتوبر 2019 (16:18) 2019-10-06

اسلام آباد: حکومتی ترجمان نے واضح کیا ہے کہ وزیراعظم عمران خان کیلئے طیارے سے متعلق خبریں درست نہیں، اپوزیشن کا پراپیگنڈہ مایوسی کا اظہار اور پاک سعودی تعلقات خراب کرنے کے مترادف ہے۔

تفصیلات کے مطابق وزیر اعظم کے دورہ امریکہ سے متعلق ہفتہ وار میگزین میں شائع رپورٹ کو حکومتی ترجمان نے من گھڑت قرار دیدیا۔ ترجمان نے کہا ہے کہ پاکستان اور سعودی عرب کی قیادت کے تعلقات انتہائی خوشگوار اور برادرانہ ہیں اور سعووی ولی عہد کے کہنے پر طیارہ کینیڈا سے واپس نیو یارک نہیں بلایا گیا۔

حکومتی ترجمان نے مزید کہا کہ ترکی، ملائیشیا کے رہنماؤں سے وزیراعظم کی ملاقاتوں سے متعلق نظریہ بھی بے بنیاد ہے۔ ہفتہ وار میگزین کی ‏رپورٹ میں وزیراعظم کی عالمی رہنماؤں سے کامیاب بات چیت کو کمزور کرنے کی کوشش کی گئی۔ یہ رپورٹ وزیراعظم عمران خان کی جانب سے اقوام متحدہ میں کشمیر کا مقدمہ جاندار طریقے سے لڑنے کی بھی مخالفت ہے۔

واضح رہے کہ عمران خان نے کشمیر میں انسانی حقوق کی پامالی اور بھارتی مظالم کو بہترین انداز میں پیش کیا جس کو عالمی سطح پر پذیرائی ملی۔


ای پیپر