حکومت نے حجاج کیلئے آسانیاں پیدا کیں : فردو س عاشق اعوان
06 جولائی 2019 (15:57) 2019-07-06

اسلام آباد:وزیراعظم کی معاون خصوصی فردوس عاشق اعوان کا کہنا ہے کہ حجاج کوان کا حق لوٹانا عمران خان کی سیاسی بصیرت کا منہ بولتا ثبوت ہے۔

سوشل میڈیا پر بیان میں فردوس عاشق اعوان نے  کہا کہ روڈ ٹومکہ منصوبے میں شمولیت پرسعودی فرمانروا اورولی عہد کا شکریہ ادا کرتے ہیں، اس منصوبے میں پاکستان کی شمولیت سعودی قیادت کا وزیراعظم عمران خان پراعتماد اورپاکستان کے عوام کے ساتھ اظہارِ یکجہتی کا اظہارہے، حاجیوں کی فی کس اخراجات میں کمی سے عازمین حج کے لئے آسانیاں پیدا ہوں گی جب کہ حجاج کو ان کا حق لوٹانا عمران خان کی سیاسی بصیرت کا منہ بولتا ثبوت ہے۔

فردوس عاشق اعوان نے احساس پروگرام سے متعلق کہا کہ احساس پروگرام کے تحت حقداروں کو بلاتفریق حق لوٹانا وزیراعظم عمران خان کی محروم طبقات سے محبت، احساس اور عوام دوست پالیسی کا آئینہ دار ہے۔


ای پیپر