وزیراعظم کی 68 ویں سالگرہ ، ٹوئٹر پر ٹاپ ٹرینڈ بن گئی
05 اکتوبر 2020 (10:53) 2020-10-05

اسلام آباد : وزیراعظم عمران خان آج 68 برس کے ہوگئے، سالگرہ کے دن کا آغاز ہوتے وزیراعظم کو مبارکباد کے پیغامات ، ٹوئٹرپر "ہیپی برتھ ڈے خان صاحب" اور ’ہیپی برتھ ڈے پی ایم آئی کے‘ ٹاپ ٹرینڈ بن گیا۔ 

وزیراعظم پاکستان عمران خان آج 68 ویں سالگرہ منارہے ہیں ، سوشل میڈیا پر معروف شخصیات ، اوروزیراعظم کے پرستاروں کی جانب سے سالگرہ پر مبارکباد کے پیغامات دینے کا سلسلہ بھی جاری ہے۔ 

عمران خان پاکستان کے 22 وزیراعظم ہیں ، عمران خان پانچ اکتوبر 1952 کو لاہور میں پیدا ہوئے وہ چار بہنوں کے اکلوتے بھائی ہیں انہوں نے ابتدائی تعلیم پاکستان میں ہی حاصل کرنے کے بعد برطانیہ کا رخ کیا۔

تعلیم کے حصول کے ساتھ ساتھ کرکٹ میں بھی خود کو منوایا اور اٹھارہ سال کی عمر میں پاکستان کی قومی کرکٹ ٹیم میں شمولیت اختیار کی، عمران خان نے ٹیسٹ کرکٹ میں 3ہزار 807 اور362 وکٹیں حاصل کیں۔جبکہ عمران خان نے ایک روزہ انٹرنیشنل کرکٹ میں 3ہزار 709 اور 182 وکٹیں اپنے نام کیں۔ بطور کرکٹر شہرت پانے والے عمران خان نے 1992 میں پاکستان کو پہلا اور واحد کرکٹ ورلڈ کپ جتوایا۔ 

کرکٹ میں کامیاب اننگز کھیلنے کے بعد عمران خان نے سیاست کی دنیا میں قدم رکھا ، عمران خان نے 25 اپریل 1996 کو تحریک انصاف کی بنیاد رکھی۔ 2002 میں میانوالی سے ممبر قومی اسمبلی منتخب ہوئے۔ 


ای پیپر