کرونا کیخلاف جنگ لڑنے پر ملازمین کیلئے لاکھوں روپے کا انعام
05 May 2020 (17:00) 2020-05-05

کیلی فورنیا: امریکا کے اسپتال میں کرونا وائرس سے لڑنے والے طبی عملے کے لیے گمنام شخص نے لاکھوں ڈالر کا چیک چھوڑ دیا، یہ عطیہ ان کے ملازمین کی جانب سے پیش کی جانے والی خدمات اور ان کی انتھک لگن کا ثبوت ہے۔

ہسپتال انتظامیہ کے مطابق کل وقتی ملازم کو 800 ڈالر اور پارٹ ٹائم ملازم کو 600 ڈالر ملیں گے۔ بین الاقوامی خبر رساں ادارے کی جانب سے جاری کی گئی تفصیلات کے مطابق امریکی ریاست کیلی فورنیا کے اسپتال میں کرونا کے خلاف لڑنے والے طبی عملے کی خوشی کا اس وقت ٹھکانا نہ رہا جب انہیں پتہ چلا کہ کوئی گمنام شخص 1 ملین ڈالر کا چیک ان کے لیے اسپتال میں چھوڑ گیا ہے۔اسپتال انتظامیہ کا کہنا ہے کہ 10 لاکھ ڈالر کے چیک کے ساتھ گمنام شخص کی جانب سے ایک نوٹ بھی چھوڑا گیا جس میں اس نے کرونا کے خلاف لڑنے والے اسپتال کے عملے کی تعریف کی اور انہیں خراج تحسین پیش کیا۔

اسپتال کے صدر ڈاکٹر نانٹے میکیوچز نے کہا کہ یہ عطیہ ان کے ملازمین کی جانب سے پیش کی جانے والی خدمات اور ان کی انتھک لگن کا ثبوت ہے۔اسپتال انتظامیہ کے مطابق کل وقتی ملازم کو 800 ڈالر اور پارٹ ٹائم ملازم کو 600 ڈالر ملیں گے۔یاد رہے کہ 30 اپریل کو معروف امریکی گلوکار لیڈی گاگا نے جان کی پرواہ نہ کرتے ہوئے کرونا وائرس میں مبتلا مریضوں کا علاج کرنے والے طبی عملے کے نام پیار بھرا خط لکھ کر خراج تحسین پیش کیا ھا اور اسے براہ راست ٹی وی پروگرام میں پڑھ کی بھی سنایا تھا۔


ای پیپر