Source : Yahoo

نوازشریف پاکستان آئیں اڈیالہ جیل ان کا انتظار کررہی ہے‘ عمران خان
05 جولائی 2018 (18:32) 2018-07-05

اسلام آباد: چیئرمین تحریک انصاف عمران خان نے کہا ہے کہ نوازشریف کا فیصلہ کل آرہا ہے لہٰذا وہ پاکستان آئیں کیونکہ اڈیالہ جیل ان کا انتظار کررہی ہے‘قانون اندھا ہوتا ہے اور سب کیلئے ایک ہوتا ہے‘ کیا یہ رعایت ایک عام مجرم کو بھی ملتی ہے؟ ‘جہاں کمزور اور طاقتور کے لیے قانون میں فرق ہو وہاں بڑی قومیں برباد ہوتی ہیں‘ نیب کا الیکشن سے قبل سیاستدانوں کو گرفتار نہ کرنے کے فیصلہ بالکل ایسا ہے جیسے دو ٹیمیں میچ کھیل رہی ہیں اور ایک ٹیم میں میچ فکسر پکڑا گیا، اب کہہ رہے ہیں اسے اس لیے میچ سے نہیں نکالو کہ میچ خراب ہوجائے گا‘ہم خود اپنے ملک کو بنانا ری پبلک بنارہے ہیں۔

جمعرات کو اسلام آباد میں میڈیا سے گفتگو کرتے ہوئے عمران خان نے کہا کہ کل نواز شریف کا فیصلہ آرہا ہے اور وہ کہہ رہے ہیں خود آکر فیصلہ سنوں گا، آپ اخباروں میں یہ فیصلہ پڑھیں گے، ہم انتظار کریں گے، پاکستان آو  کیونکہ اڈیالہ جیل آپ کا انتظار کررہی ہے۔انہوں نے کہا کہ قانون اندھا ہوتا ہے اور سب کے لیے ایک ہوتا ہے، کیا یہ رعایت ایک عام مجرم کو بھی ملتی ہے؟ جہاں کمزور اور طاقتور کے لیے قانون میں فرق ہو وہاں بڑی قومیں برباد ہوتی ہیں۔

چیئرمین پی ٹی آئی کا نیب کے الیکشن تک سیاستدانوں کو گرفتار نہ کرنے کے فیصلے پر تنقید کرتے ہوئے کہنا تھا کہ نیب کا کہنا بالکل ایسا ہے جیسے دو ٹیمیں میچ کھیل رہی ہیں اور ایک ٹیم میں میچ فکسر پکڑا گیا، اب کہہ رہے ہیں اسے اس لیے میچ سے نہیں نکالو کہ میچ خراب ہوجائے گا، اس کی سمجھ نہیں آرہی، یہ پاگلوں والی بات ہے اور اس میں کوئی قانون نہیں۔ عمران خان نے کہاکہ ہم خود اپنے ملک کو بنانا ری پبلک بنارہے ہیں، قانون کسی میں امتیاز نہیں کرتا، قانون جب ہوتا ہے جب سب کے لیےایک ہو، قانو اس لیےنہیں ہوتا کہ طاقتور کو کچھ نہ کیا جائے۔


ای پیپر