Image Source : Facebook

دشمن کی نقل وحرکت تباہ کرنے والے راکٹ کا کامیاب تجربہ
04 جنوری 2019 (21:53) 2019-01-04

راولپنڈی : چیف آف آرمی سٹاف جنرل قمر جاوید باجوہ نے اے 100راکٹ کی تیاری پر سائنسدانوں اور انجینئرز کو مبارکباد دیتے ہوئے کہا کہ پاک فوج کی روایتی صلاحیتوں میں اضافہ جاری رکھیں گے، اے100راکٹ روایتی فائر پاور میں تقویت کا باعث ہو گا،روایتی خطرے سے نمٹنے کےلئے فوج کی صلاحیتوں کو مستحکم کرتے رہیں گے،پاکستانی ڈیفنس انڈسٹری نے ملکی دفاع میں اہم کردار ادا کیا ہے۔

پاک فوج کے شعبہ تعلقات عامہ (آئی ایس پی آر) کے مطابق وہ جمعہ کویہاں کثیر المقاصد راکٹ سسٹم کی شمولیت کی تقریب سے خطاب کررہے تھے ۔آئی ایس پی آر کے مطابق آرٹلری کور میں اے100ملٹی پل لانچ راکٹ سسٹم شامل کرلیا گیا،ایم ایل آر ایس اے100راکٹ پاکستانی سائنسدانوں اور انجینئرز نے تیار کیا ہے.

اے 100راکٹ 100کلو میٹر تک کارکردگی دکھانے کا حامل ہے،اے 100 راکٹ دشمن کی نقل و حرکت کو تباہ کرنے کی صلاحیت رکھتا ہے۔ اسے بہت بڑی کامیابی قرار دیاگیا ہے،انہوں نے کہا روایتی خطرے سے نمٹنے کےلئے فوج کی صلاحیتوں کو مستحکم کرتے رہیں گے۔


ای پیپر