میں نہ لڑائی کر رہا ہوں نہ سیاست : مصطفیٰ کمال
03 ستمبر 2019 (18:08) 2019-09-03

کراچی: پاک سر زمین پارٹی کے سربراہ مصطفیٰ کمال نے کہاہے کہ وزیراعظم اورآرمی چیف کراچی آئیں اور صورتحال ٹھیک کریں، شہری حکومت میں کردار والے لوگ نہیں۔مئیروسیم اخترکے پاس لندن والے اختیارات بھی ہوں توشہر بد حال ہی رہے گا۔

ایک انٹرویو میں مصطفیٰ کمال کا کہنا تھا کہ ہمارے دور میں لوگوں کے مسائل حل ہو رہے تھے۔ میں نہ لڑائی کر رہا ہوں اور ناہی سیاست ۔ صرف یہ بتارہا ہوں کہ شہر کیسے چلتا تھا، کراچی والوں کو خود دیکھنا ہے کہ کون کام نہیں کررہا۔عالمی جریدے نے مجھے دنیا کے3بہترین میئرمیں شامل کیاتھا، آج نیویارک ٹائمزمیں کراچی میں مکھیوں پرآرٹیکل چھپ رہے ہیں۔

انہوں نے مزید کہا کہ کراچی کی مکھیوں پرامریکی اخبارمیں خبرچھپنا افسوس کا مقام ہے، میری کسی سے دشمنی نہیں، کراچی کے لئے میں گاربیج ڈائریکٹر بننے پر بھی تیار ہوگیا، حالاں کہ ایک جماعت کا سربراہ ہوں، اب اس کے بعد میری نیت پرکیا شک کیا جا سکتا ہے۔


ای پیپر