ماڈل ایان علی کی بڑے ’’زلزلے‘‘ کے ساتھ واپسی
03 مارچ 2020 (17:19) 2020-03-03

کراچی : ماڈل ایان علی کئی سالوں کے بعد بالآخر دوبارہ منظر عام پر آگئی ہیں اور ان کی واپسی کی وجہ ’’زلزلہ ‘‘ ہے ۔

تفصیلات کے مطابق ماڈل ایان علی میڈیا پر منی لانڈرنگ کیس کی وجہ سے کئی سالوں سے خبروں میں رہیں۔ انہیں جیل جانا پڑا اور پھر ان کی تمام شوبز سرگرمیوں معطل ہو کر رہ گئیں لیکن اب انہوں نے اپنی واپسی انسٹا گرام پر تقریباً چار سال کے بعد ایک پوسٹ کے بعد کی ہے۔

                                                                                                                            

ماڈل ایان علی نے لکھا کہ ان کا گانا جو پانچ سال پہلے ریلیز کیا گیا تھا اس پر شائقین کی طرف سے سائونڈ کلائوڈ پر 30 ملین ڈائون لوڈز جبکہ یو ٹیوب پر 15 ملین ویوز ہیں۔ یہ اس بات کا ثبوت ہے کہ مجھے عوام کی طرف شدید محبت ملی اور میری دعا ہے کہ ہر گزرتے دن کے ساتھ اس میں اضافہ ہوتا رہے گا۔

ماڈل ایان علی نے اعلان کیا کہ وہ بہت سے پراجیکٹس پر کام کر رہی ہے ۔ وہ اپنے پیار کرنے والوں کیلئے بہت سے موسیقی کے پراجیکٹس پر کام کر رہی ہے۔

                                                                         

یاد رہے کہ ایان علی کو 2015 میں اسلام آباد ایئرپورٹ پر منی لانڈرنگ کے الزام میں گرفتار کیا گیا تھا جب انہیں دبئی جانے والی پرواز میں سوار ہونے کی کوشش کے دوران کسٹم حکام نے 5 لاکھ ڈالر سے زیادہ رقم کے ساتھ پکڑا تھا۔


ای پیپر