سابق صدر پرویز مشرف کیخلاف سنگین غداری کیس کی سماعت 20 اگست کو ہو گی
03 اگست 2018 (15:59) 2018-08-03

لاہور: سابق صدر پرویز مشرف کے خلاف سنگین غداری کیس کی سماعت 20 اگست کو ہوگی۔


تفصیلات کے مطابق آئین کے تحت عدالت عالیہ کی سربراہی میں قائم بینچ پر مشتمل خصوصی عدالت سابق صدر پرویز مشرف کے خلاف سنگین غداری کیس کی سماعت 20 اگست کو کرے گی ۔ چیف جسٹس لاہور ہائی کورٹ محمد یاور علی کی سربراہی میں قائم بینچ میں بلوچستان ہائی کورٹ کی سینئر ترین جج جسٹس طاہرہ صفدر اور سندھ ہائی کورٹ جسٹس نذر اکبر بھی شامل ہیں۔


خصوصی عدالت کے رجسٹرار سیشن جج راو عبدالجبار نے متعلقہ فریقین کو تاریخ سماعت سے آگاہ کردیا ہے۔واضح رہے کہ مسلم لیگ (ن) کی سابق حکومت نے ملکی تاریخ میں پہلی مرتبہ کسی فوجی آمر کے خلاف آئین کے آرٹیکل 6 کے تحت غداری کا مقدمہ چلانے کی کارروائی کا آغاز کیا تاہم کئی برس گزر جانے کے باوجود اس میں کوئی قابل ذکر پیش رفت نہیں ہوئی


ای پیپر