یواے ای کا پاکستان کیلئے زبردست اقدام 
02 ستمبر 2020 (20:01) 2020-09-02

دبئی  : پاکستان میں حالیہ بارشوں سے ہونے والی تباہ کاریوں پر   یواے ای حکومت نے امداد ی سامان فراہم کردیا۔

تفصیلات  کے مطابق  خلیفہ بن زید النہیان فاؤنڈیشن کی جانب سےپاکستان کو بارشوں کےباعث صورتحال سے نمٹنےکے لیے ضروری امدادی  سامان فراہم کیا گیا ہے،خلیفہ فاؤنڈیشن کی امدادی ٹیم نے سندھ کے جنوبی علاقوں میں تقریباً 75،000 افراد میں ادویات ، خیمے ، کمبل اور دیگرسامان تقسیم کیا ہے،یہ امداد دنیا کے متعدد ممالک میں فاؤنڈیشن کے امدادی اور ترقیاتی اقدامات کاتسلسل ہے۔

واضح رہے کہ صوبہ سندھ  سمیت تقریباً پورے پاکستان میں مون سون کی معمول سے زیادہ حالیہ بارشوں نے تباہی مچادی ہے جس سے بڑے پیمانے پر جانی اور مالی نقصان ہوا ہے۔


ای پیپر