PPP, PTI members, Sindh Assembly, Haleem Adil Sheikh, Bilawal Bhutto Zardari
02 مارچ 2021 (14:49) 2021-03-02

کراچی: سندھ اسمبلی میں ارکان کا شور شرابہ ، پیپلز پارٹی اور پی ٹی آئی کے ارکان آپس میں گتھم گتھا ہوگئے ۔ پی ٹی آئی ارکان نے تینوں منحرف ارکان کا گھیراؤ کرلیا جبکہ پیپلز پارٹی ارکان بیچ بچاؤ کراتے رہے ۔

تفصیلات کے مطابق اجلاس ملتوی ہونے کے باجود ایوان میں گرما گرمی اور شور شرابہ رہا ، سندھ اسمبلی میں میز کے شیشے بھی ٹوٹ گئے ۔ میڈیا سے گفتگو کرتے ہوئے حلیم عادل شیخ نے کہا کہ پی ٹی آئی کے اراکین پر انہوں نے تشدد کیا ہم ان کیخلاف ہم ایف آئی آر کٹوائیں گے ، ثابت ہوگیا زرداری مافیا چور ہے ، انہوں نے پیسے دے کر منحرف اراکین کو خریدا ہے ۔

حلیم عادل شیخ نے کہا کہ سندھ اسمبلی میں خرید و فروخت کرنے والوں کی بھرپور مذمت کرتا ہوں ، میرا دل چاہ رہا تھا انہیں بے نقاب کروں ، پیپلز پارٹی کے ارکان نے آج جو حرکت کی اس پر سندھ رو رہا ہے ۔ پاکستان کی تاریخ کا آج سیاہ دن ہے ۔

تحریک انصاف کے رہنما نے کہا کہ پیپلز پارٹی والوں نے اسلم ابڑو اور شہریار شر کو اغوا کر رکھا ہے ، کریم گبول کو بھی پیپلز پارٹی والوں نے اغوا کیا تھا ، انہوں نے کہا کہ برہان چانڈیو اور تیمور تالپور نے دہشت گردی کا مظاہرہ کیا ، تشدد کا راستہ نہیں چھوڑا گیا تو ایف آئی آر درج کرائیں گے ۔

حلیم عادل شیخ نے کہا کہ پیپلز پارٹی کے نااہل لوگ سندھ اسمبلی میں ہیں ، آج ثابت ہوگیا بلاول بھٹو بے نظیر کے بیٹے نہیں ، بلاول بھٹو کے جانشین نہیں ، آصف زرداری کے بیٹے ہیں ۔


ای پیپر