مقبوضہ کشمیر میں بھارتی فوجی افسر کی بھیانک موت
02 مارچ 2020 (22:20) 2020-03-02

سری نگر:مقبوضہ کشمیر میں بھارتی فوجی افسر کتے کو بچاتے ہوئے جھلس کر ہلاک ہوگیا۔

غیرملکی خبررساں ادارے کی رپورٹ کے مطابق یہ واقعہ مقبوضہ وادی کے ضلع برامولا میں پیش آیا، آتشزدگی کے دوران اہلکار نے بیوی کو بچا لیا تاہم وہ خود جھلس کر ہلاک ہوگیا۔رپورٹ میں کہا گیا ہے کہ فوجی افسر کے گھر میں اچانک آگ بھڑک اٹھی ردعمل میں فوری طور پر اہلکار نے پہلے اپنی بیوی اور ایک کتے کو بحفاظت گھر سے نکال لیا، لیکن جب وہ دوسرے کتے کی مدد کے لیے گھر میں داخل ہوا تو جھلس کر ہلاک ہوگیا، فوجی افسر کی شناخت 33 سالہ انتک کے نام سے ہوئی۔

ریسکیو عملے کا کہنا ہے کہ آتشزدگی کا یہ واقعہ رات گئے پیش آیا، معاملے کا جائزہ لے رہے ہیں جبکہ آگ لگنے کی اصل وجہ بھی دریافت کرنے کی کوشش کی جارہی ہے۔گھر میں آگ لگنے کے باعث فوجی اہلکار اور ایک کتا بھی مارا گیا، اہلکار اور کتے کی لاش ایک ہی کمرے سے برآمد ہوئی۔ متعلقہ ادارے کا کہنا ہے یہ مذکورہ افسر کی یہاں نئی پوسٹنگ ہوئی تھی۔ایک سینئر فوجی افسر نے بتایا کہ جائے وقوعہ سے شوائد اکھٹے کرلیے گئے ہیں۔


ای پیپر