امریکی فوجیوں پر جنسی حملوں میں اضافہ
01 فروری 2020 (22:47) 2020-02-01

واشنگٹن: امریکی اکیڈمیوں میں فوجیوں پر جنسی حملوں کا مسئلہ سنگین اہمیت اختیار کر گیا۔

                                                                                                                                      

تفصیلات کے مطابق امریکی دفاعی ادارے پنٹا گون کی ایک رپورٹ میں انکشاف کیا گیا ہے کہ گزشتہ سال تین ملٹری اکیڈمیوں میں 149 جنسی حملے رپورٹ ہوئے۔ان کیسز میں 25 فیصد اضافہ ہوا ہے۔ اس سے پہلے تربیتی سال میں 117 کیسز رپورٹ ہوئے تھے۔ پینٹاگان کا کہنا ہے کہ اس بات کا تعین کرنا مشکل ہے کہ ان کیسز کی تعداد میں اضافہ رپورٹ کرنے سے ہوا ہے یا گذشتہ تربیتی سال کی نسبت ان کیسز میں اضافہ ہوا ہے۔

رپورٹ میں بتایا گیا ہے کہ ہر دو سال بعد یو ایس ملٹری اکیڈمی ویسٹ پوائنٹ نیویارک، نیول اکیڈمی اناپولیز میری لینڈ اور ایئر فورس اکیڈمی کولاراڈو سپرنگس کولاراڈو میں جنسی حملوں سے متعلق ایک خفیہ سوالنامہ تربیت حاصل کرنے والے 13 ہزار فوجیوں کو دیا جاتا ہے۔اس سوال نامے میں جنسی ہراسیت سے متعلق وہ شکایات شامل ہوتی ہیں جو حکام بالا کو رپورٹ نہیں ہوئی ہوتیں۔پینٹاگان کی تازہ رپورٹ میں اس سوال نامے کا ڈیٹا شامل نہیں ہے۔


ای پیپر